Árligt skrásetingarblað

Freistin at lata inn skrásetingarblaðið er 15. februar á hvørjum ári. Hevur limafelagið lokalfeløg skrásetur limafelagið síni lokalfeløg við ávísum grundleggjandi upplýsingum.

Endamálið við at lata inn skrásetingarblaðið er, at:

  1. til tess, at hava atkvøðurætt á landsfundi, skulu limafelagsskapirnir lata skrásetingarblaðið inn í seinasta lagi 15. februar.
  2. limafeløgini skráseta teirra lokalfeløg og lata FUR rættar og dagførdar upplýsingar um limafelagið og lokalfeløgini.

Vísandi til §2, stk. 4 í Stuðulsreglugerðini, so skulu lokalfeløg lúka hesar treytir og hava:

  1. Heimstað í Føroyum.
  2. Í minsta lagi 10 gjaldandi limir undir 30 ár pr. 31.12. í undanfarna ári. Eru fleiri enn eitt lokalfelag í sama býi/bygd, skulu tey fylgjandi lokalfeløgini hava í minsta lagi 25 gjaldandi limir hvørt.
  3. Limagjald, sum skal vera í minsta lagi 100 kr. árliga, fyri hvønn einstakan lim.
  4. Í minsta lagi 10 gjaldandi limir í undanfarna kalendaraári.
  5. Fólkaræðisligar viðtøkur, har tað eru ásetingar, sum tryggja, at limir yngri enn 30 ár hava ávirkan á leiðsluna.
  6. Egna nevnd og egið virksemi.
  7. Verið limir í landsfelagi í minsta lagi eitt ár, áðrenn tey kunnu søkja um stuðul – tó undantikið úr Stuðulsgrunni FURs.
  8. Limaskap í einum landsfelagi. Lokalfeløg kunnu – í stuðulshøpi – bara verða limir í einum landsfelagi.
  9. Sent umsókn rættstundis, sbrt. § 4 í hesi reglugerð.

Árliga skrásetingarblaðið inniheldur m.a. teldupostadressuna hjá felagnum, har FUR síðani sendir umsóknarblaðið til árliga stuðulin til, umframt kunningartilfar og samskifti annars.

Í skrásetingarblaðnum skulu í minsta lagi vera upplýsingar um endamál, nevndarlimir, umboðsstjórnarlimir, limatal pr. 31.12. og lokalfeløg hjá limafelagsskapinum. Aftur at hesum, kann starvsstjórnin eisini biðja um aðrar upplýsingar.

Skrásetingarblaðið verður javnan dagført av tí, at tørvurin á upplýsingum broytist. Tess vegna verður árliga skrásetingarblaðið sent feløgunum fyrst í januar mánaði á hvørjum ári og lagt á heimasíðu FURs.

Freistin at lata inn árliga skrásetingarblaðið er 15. februar á hvørjum ári.

Skrásetingarblaðið -  til limafeløg: word-fíla og pdf-fíla.
Skrásetingarblaðið - til limafeløg at skráseta lokalfeløg: word-fíla og pdf-fíla.